गज़ल : छत्‍तीसगढ़ी गज़ल संग्रह “बूड़ मरय नहकौनी दय” ले 5

रंग म बूड के फागुन आ गे बइठ पतंग सवारी म
टेसू फूल धरे हे हाथ म ठाढे हावय दुवारी म ।

भौंरा कस ऑंखी हे वोकर आमा मौर हे पागा म
मुच – मुच हॉंसत कामदेव कस ठाढे हावय दुवारी म ।

मन ह मन मेर गोठियावत हे बुध ह बांदी हो गे आज
लाज लुकागे कहॉं कोजनी फागुन खडे दुवारी म ।

पिंवरा लुगरा पोलका पहिरे मंदिर जावत रहेंव मैं आज
दार – भात म करा ह पर गे फागुन खडे दुवारी म ।

रस्ता देखत रहेंव बरिस भर कैसे वोला बिदारौं मैं
‘शकुन’ तैं पहुना ल परघा ले ठाढे हावय दुवारी म ।

शकुन्तला शर्मा , भिलाई [छ ग ]
shaakuntalam.blogspot.com

“बूड्र मरय नहकौनी दय” (छत्‍तीसगढ़ी गज़ल संग्रह) से

Related posts:

Leave a Reply

Your email address will not be published. Required fields are marked *