चलो मंदिर जाबो





चलो मंदिर जाबो भैया मोर, दाई के पूजा करबो ।
चलो मंदिर जाबो बहिनी मोर, माता के सेवा करबो।
चंपा चमेली के फूल गुंथके , माता ल पहिनाबोन ।
आनी बानी फूल लानके, आसन ओकर सजाबोन।
जोत जलाके सुघ्घर, आरती सबझन गाबो ।
चलो मंदिर जाबो भैया मोर, दाई के पूजा करबो ।
सोला सिंगार करके, माता हर मुसकाथे ।
भगत के मान रखे खातिर, सुंदर रुप देखाथे ।
चैत के महिना आगे, झूला ओकर सजाबो ।
चलो मंदिर जाबो बहिनी मोर, माता के सेवा करबो ।
बघवा के सवारी माता, तिरसुल खप्पर धारी ।
बड़े बड़े पापी मन बर, परथे ओहा भारी ।
सेवा के गीत गाके, दाई ल जगाबोन ।
चलो मंदिर जाबो भैया मोर, दाई के पूजा करबोन
चलो मंदिर जाबो बहिनी मोर, माता के सेवा करबोन ।

महेन्द्र देवांगन “माटी”
गोपीबंद पारा पंडरिया
जिला — कबीरधाम (छ ग )
पिन – 491559
मो नं — 8602407353
Email – mahendradewanganmati@gmail.com










Related posts:

Leave a Reply

Your email address will not be published. Required fields are marked *