नरहराधाम छोटे जलप्रपात

प्राकृतिक के गोद म बसे नरहराधाम जिला मुख्यालय धमतरी ले महज ३५ किलोमीटर अउ कुकरेल ले लगभग लगभग २०किलोमीटर उड़ती मुड़ा नगरी ब्लाक वनांचल कोटरवाही गांव के निकट म स्थित हे!
जंगलराज कोटरवाही मगौद झुरातराई बासीखाई अउ आप परोस के गांव बर पर्यटन स्थल के जगा बन गेहे!
नरहराधाम घनघोर जंगल रुख राई डोंगरी पहाड़ी के बीच कोटरवाही गांव के सियार म स्थित हे!
नरहराधाम घुमाईया फिराईया पर्यटक मनके जाय बर मोटर गाड़ी फटफटी साईकिल के सुविधा ल देखत पैयडगरी आय जाय बर रुख राई ल काटके, पहाड़ पथरा फोरके, माटी मुरुम बिसाके रवन पैयडगरी रद्दा बनाय गेहे!




ईहा बड़ दुरिहा दुरिहा ले लोगन मन घुमे फिरे पिकनिक मनाय अउ प्राकृतिक सौंदर्य के अवलोकन करे बर आथे!
प्राकृतिक के गोद म बसे नरहराधाम पर्यटक मन बर छोटे जलप्रपात के नांव ले परसिद होगे
कोटरवाही गांव के सियान मन नरहराधाम के नांव ले समिति बनाके,एकर बिकास खातिर जोर तोड़ परियास करत हे!
ईहा भगवान शंकर कृष्ण दुर्गा शिव लिंग के मुर्ती ईस्थापना करके मंदिर निर्माण करे गेहे!
नरहराधाम बरसात के समे डोंगरी पहाड़ीे हरियर हरियर रुख राई, प्राकृतिक के गोद म बीच घने जंगल म स्थित नरहराधाम पानी के झरना झर झर गिरत रहिथे!
कतको दुरिहा दुरिहा आस परोस धमतरी दुरुग-भेलई राईपुर बालोद के पर्यटक लोगन मन ईहा आ आक कुद कुदके नहाकेे मजा लेथे!
नरहराधाम के झरना झर झर बहत, पानी के कल-कल फुहार प्राकृतिक सौंदर्य नरहराधाम छोटे जलप्रपात बड़ शोभायमान हे?

मयारुक छत्तीसगढ़िया
सोनु नेताम “माया”
रुद्री नवागांव धमतरी

Leave a Reply

Your email address will not be published. Required fields are marked *