बरखा गीत

गरजत बरसत लहुकत हे बादर.
आंखी म जइसे आंजे हे काजर.

मेचका-झिन्गुरा के गुरतुर बोली
हरियर हरियर, धनहा डोली
बरसे झमाझम, गिरत हे पानी,
माते हे किसानी, बइला, नांगर
गरजत बरसत लहुकत हे बादर.
आंखी म जइसे आंजे हे काजर.

सुरूर सुरूर चले पवन पुरवइया
अंगना म फुदरे बाम्भन चिरइया
गली गली बन कुंजन लागे
विधुन होगे एकमन आगर…
गरजत बरसत लहुकत हे बादर.
आंखी म जइसे आंजे हे काजर.

खोर गली म चिखला पानी बोहागे रेला,
कागद के डोंगी बनाय, खेले कोनो घघरइला
सुरुज देवता के परछो नई मिले
कहाँ जाके लुकागे, काबर….
गरजत बरसत लहुकत हे बादर.
आंखी म जइसे आंजे हे काजर.
_______________________
राम कुमार साहू ‘मयारू”
ग्राम गिर्रा (पलारी)
जिला बलोदा बाजार छ ग
9826198219

Related posts:

3 comments

Leave a Reply