मया के गीत

नदिया नरवा मा बोहावत हे
पबरित मया के गीत
हरियर भुइंया म लहरावत हे
पबरित मया के गीत।
बनिहारिन गुनगुनावत हे
खेत म मुचमुचा के…
मंडल गरीब मिलके गावत हे
पबरित मया के गीत।
सीतला दाई के ठंडई म
बाड़हत हे दया मया…
बइरी मन ल मीत मनावत हे
पबरित मया के गीत।
कोयली निक सुर म
सोरियावत हे आमा डार म…
सुग्घर जिनगी म पहावत हे
पबरित मया के गीत।
जय होवय छत्तीसगढ़ दाई
जम्मो लइका कहत हन…
चारो कोती धूम मचावत हे
पबरित मया के गीत।
चम्पेश्वर गोस्वामी
भटगांव, अभनपुर

Related posts:

Leave a Reply

Your email address will not be published. Required fields are marked *