मोरे छत्तीसगढ़ के संगवारी

Hemlal photoमोरे छत्तीसगढ़ के संगवारी
भैईया मोरे किसान
बैईला, नागर, तुतारी तोरे पहचान
भुईयाँ दाई तोरे महतारी गा सियान
तोला कहिथे छत्तीसगढ़ के मितान
भैईया मोरे किसान।

मोरे छत्तीसगढ़ के संगवारी
भैईया मोरे बनिहार
गईति,रापा,हसिया,टगिया तोरे पहचान
भुईयाँ दाई तोरे महतारी गा सियान
तोला कहिथे छत्तीसगढ़ के मितान
भैईया मोरे बनिहार।

मोरे छत्तीसगढ़ के संगवारी
मोरे भईया जवाना
काम, बुता, रखवारी तोरे पहचान
भुईयाँ दाई तोरे महतारी गा सियान
तोला कहिथे छत्तीसगढ़ के मितान
मोरे भईया जवान।

मोरे छत्तीसगढ़ के संगवारी
मोरे भैईया बिधार्थी
कलम, कापी, पुस्तक तोरे पहचान
भुईयाँ दाई तोरे महतारी गा सियान
तोला कहिथे छत्तीसगढ़ के मितान
मोरे भैईया बिधार्थी लईका मोरे सियान।

हेमलाल साहू

Related posts:

3 comments

  • sunil sharma

    सुग्घर रचना भाई बधाई हो

  • Mahendra Dewangan Maati

    बढिया कविता के रचना करे हो साहू जी एकर बर गाड़ा गाड़ा बधाई |

  • Hemlal Sahu

    आपमन ला बहूत बहूत धन्यवाद भैया हो जो आपमन हमर कविता ला पसंद करेव।

Leave a Reply

Your email address will not be published. Required fields are marked *