ये भोले तोर बिना….

Shivये भोले तोर बिना….
जिनगी के चार दिना, कटही कइसे मोर जोंही
गुन-गुन मैं सिहर जाथौं, ये भोले तोर बिना…..

हांसी हरियावय नहीं, पीरा पिंवरावय नहीं
जिनगी के गाड़ी, तोर बिन तिरावय नहीं
श्रद्धा के गांजा-धथुरा, ले के तैं हमरो ल पीना… ये भोले…

उमंग अब उवय नहीं, संसो ह सूतय नहीं
बिपदा के बैरी सिरतोन, छोरे ये छूटय नहीं
तुंहरे हे आसा एक्के, घुरुवा कस झन तो हीना… ये भोले…

तन ह तनावय नहीं, आंसू अंटावय नहीं
मया के कुंदरा जोहीं, छाये छवावय नहीं
भक्ति म भगवान बिना, मुसकिल हे हमरो जीना… ये भोले…

सुशील भोले
संपर्क : 41-191, कस्टम कालोनी के सामने,
डॉ. बघेल गली, संजय नगर (टिकरापारा)
रायपुर (छ.ग.) मोबा. नं. 098269 92811
sushilbhole2@gmail.com
http://www.mayarumati.blogspot.in

Related posts:

One comment

  • शकुन्तला शर्मा

    सुशील ह , भोले ल , खुश करे के सुन्दर उदिम करे हावय । प्राञ्जल – पोस्ट ।

Leave a Reply

Your email address will not be published. Required fields are marked *