Categories
कविता

अरुण निगम के छत्तीसगढी गीत : मन झुमै ,नाचे ,गावै रात-दिन

मया के पहिली-पहिली चघे हे निसा,
मन झुमै , नाचै , गावै रात – दिन.
आवत हे,साँस-साँस जीए के मजा,
मन झुमै , नाचै , गावै रात – दिन.

अपने आप हांसत हौं,अपने आप रोवत हौं,
आनी-बानी रँग-रँग के , सपना संजोवत हौं.
पिया के ! घेरी – बेरी आवय सुरता…
मन झुमै , नाचै , गावै रात – दिन .

बिंदिया लगावत हौं , रूप ला सजावत हौं,
सोलहों सिंगार कर के , दर्पण निहारत हौं.
लाजवौं ! हाथ-मा लुका के चेहरा….
मन झुमै , नाचै , गावै रात-दिन .

बिन देखे मन तरसै , देखे लजावत हौं,
जाने का हो गे हे ? बही होत जावत हौं.
करवं का ? आके समझा रे मितवा….
मन झुमै , नाचै ,गावै रात – दिन.

अरुण निगम
१०५, शम्भू -श्री अपार्टमेन्ट,
एम्.आर.रोड ,विजय नगर,
जबलपुर

देखें ब्‍लॉगर व कवि शरद कोकाश इन दिनों क्‍या कर रहे हैं

One reply on “अरुण निगम के छत्तीसगढी गीत : मन झुमै ,नाचे ,गावै रात-दिन”

Comments are closed.