Categories
गीत

आगे असाढ़

Ram Kumar Sahu Mayaruआगे असाढ़ गिरे पानी रे गियां ।
भिंजे परवा चुहे छानी रे ।।
पवन चले पुरवाही ।
अचरा उढाही रे गियां ।।
करेजा करे चानी चानी रे ।
आगे असाढ़ ………

मन होगे आने ताने रे गियां ।।
बैरी लागे जुवानी रे ।
आगे असाढ़ ………

मनाबो तिहार रे गियां ।।
घारे – घोर रानी ।
अतका – अतका पानी रे ।।
आगे असाढ़ ………

आगे नांगर बख्खर ।
खेती कोला बारी रे गियां ।।
आगे असाढ गिरे पानी रे गियां ।
भिंजे परवा चुहे छानी रे ।।
बिन जाने चिन्हे ।
रजुतिया हरेली ।
हमर जिनगानी रे ।
आगे असाढ़ ………

राम कुमार साहू (मयारू)
ग्राम गिर्रा पलारी
मोबाईल नम्बर – 9826198219

2 replies on “आगे असाढ़”

मयारू भैया बड सुघ्घर गीत लिखे बड नीक लागिस अइसने नवा नवा गीत हमन मन ला गुरतुर गोठ के माध्घ्यम से सुनात रहव ये गीत बर गाडा गाडा बधई अवईया गीत के अगोरा म

सुग्घर वाह वाह बड सुग्घर गीत हवे… बधई मयारू भैया….

Comments are closed.