बाल गीत

देखे म लोर लोर, बताये म जोर जोर
गांव गली सोर सोर, गाड़ी बइला होर होर
पानी गिरय झोर झोर, मूंड गांथे कोर कोर
छत्तीसगढ़ मोर मोर, बोली भाखा ओर ओर
तीजा तिहार पोर पोर, बेटी रोवय फोर फोर
भईया आही अगोर अगोर, साव बनगे चोर चोर
रानी कहय घोर घोर, राजा कहय थोर थोर
धोती कहय छोर छोर, लुगरा पहिरे नोर नोर
अंगना दुवारी खोर खोर, नता गोता तोर तोर
करमा ददरिया टोर टोर, भाव भजन भोर भोर
छइयॉं भुइयॉं ठोर ठोर, नादी बइला बोर बोर
सोरा जिला डोर डोर, बस्तर सरगुजा के ढोर ढोर
रइपुर बेलासपुर अंजोर अंजोर, रइगढ म अघोर अघोर

डॉ.सोनउ राम निर्मलकर