Categories
आवेदन पत्र

निर्वाचन आयोग ल छुट्टी खातिर आवेदन पत्र

सेवा में,
सिरीमान मुखिया निर्वाचन आयुक्त
महोदय,
भारत निर्वाचन आयोग, नई दिल्ली।
बिसय : विधानसभा चुनाव मतगणना के दिन
सार्वजनिक छुट्टी घोसित करे बाबत।
महोदय जी,
बिनती हवय के आपके आयोग ह मतदान के दिन सार्वजनिक छुट्टी के घोसना करथे। इही किसम ले मतगणना के दिन घलो सार्वजनिक छुट्टी के घोसना होना चाही। काबर के मतदान म तो एक मनखे ल जादा ले जादा आधच घंटा लगथे फेर मतगणना पूरा दिनभर के कार्यक्रम होथे।
लोकतंत्र म चुनाव ले बड़े अउ कोनो महापरब नइ होवय। मतगणना के दिन ये महापरब के दिन पूरनाहूती होथे। ये सोंचना के ए दिन लोगन अपन काम करत-करत मतगणना के आनंद ले सकथे उचित नइ लगय।
तेपाय के हांत जोड़ के बिनती हवय के मतगणना के दिन घलो एक दिन के सार्वजनिक छुट्टी के घोसना करे जाय।
घन्नबाद!
दिनांक : 04-12-2018
गेलौली करइया
दिनेस चौहान,
छत्तीसगढ़ी ठिहा, सितलापारा,
नवापारा-राजिम,
जिला- रइपुर (छत्तीसगढ़)