आज संस्कृति विभाग के सभागार म संस्कृति अउ पर्यटन मंत्री दयाल दास बघेल ह छत्तीसगढ़ राज्य अलंकरण 2016 के घोषणा करिन। सम्मान पवईया मन ल ये अलंकरण काली राज्योत्सव के समापन के बेरा म देहे जाही। ये बछर के राज्य अलंकरण खाले म देहे अनुसार देहे जाही –
आदिम जाति अनुसूचित जाति विकास विभाग कोती ले आदिवासी अउ पिछड़ा वर्ग बर देहे जाने वाला सम्मान शहीद वीर नारायण सिंह सम्मान श्री सैन कुमार मण्डावी, ग्राम भानपुरी, धमतरी ल, खेल एवं युवा कल्याण विभाग कोती ले खेल बर देहे जाने वाला सम्मान गुण्डाधूर सम्मान कुमारी रामफुल टोंडर, ग्राम-खैरा, मुंगेली ल, महिला एवं बाल विकास विभाग कोती ले महिला उत्थान बर देहे जाने वाला सम्मान मिनी माता सम्मान श्रीमती चंदेश्वरी ठाकुर, ग्राम-अमोरा, बालोद ल, आदिम जाति अनुसूचित जाति विकास विभाग कोती ले सामाजिक चेतना/दलित उत्थान बर देहे जाने वाला सम्मान गुरू घासीदास सम्मान श्रीमती समे बाई शास्त्री, ग्राम कोहका, रायपुर ल, सहकारिता विभाग कोती ले सहकारिता बर देहे जाने वाला सम्मान ठाकुर प्यारे लाल सिंह सम्मान गौरेला सहकारी विपणन सहकारी संस्था मर्यादित, पेन्ड्रारोड बिलासपुर ल, आदिम जाति अनुसूचित जाति विकास विभाग कोती ले उर्दू भाषा के सेवा बर देहे जाने वाला सम्मान हाजी हसन अली सम्मान जनाब हसन जफर रायपुरी, मोमिनपारा, रायपुर ल अउ खेल एवं युवा कल्याण विभाग कोती ले तीरंदाजी बर देहे जाने वाला सम्मान महाराजा प्रवीरचंद भंजदेव सम्मान श्री अभिलाष राज, ग्राम-शिवतराई, बिलासपुर ल देहे जाही।
सामान्य प्रशासन विभाग कोती ले सामाजिक, आर्थिक, शैक्षणिक क्षेत्र म अभिनव प्रयत्न खातिर देहे जाने वाला सम्मान पं. रविशंकर शुक्ल सम्मान श्री विनोद कुमार शुक्ल, शैलेन्द्र नगर, रायपुर ल, संस्कृति विभाग कोती ले संगीत एवं कला खातिर देहे जाने वाला सम्मान चक्रधर सम्मान श्री राजकमल नायक, चौबे कालोनी, रायपुर ल, संस्कृति विभाग कोती ले लोककला/शिल्प खातिर देहे जाने वाला सम्मान दाउ मंदराजी सम्मान पं. शिवकुमार तिवारी, हिर्री माइन्स, बिलासपुर ल, कृषि विभाग कोती ले कृषि खातिर देहे जाने वाला सम्मान डॉ. खूबचंद बघेल सम्मान श्री लक्ष्मण कुमार पटेल, ग्राम-कंचनपुर, रायगढ़ ल, जनसंपर्क विभाग कोती ले इलेक्ट्रानिक मीडिया (हिन्दी) खातिर देहे जाने वाला सम्मान चन्दूलाल चन्द्राकर स्मृति पुरस्कार श्री नरेश मिश्रा, जगदलपुर ल, जनसंपर्क विभाग कोती ले प्रिन्ट मीडिया (अंग्रेजी) खातिर देहे जाने वाला सम्मान मधुकर खेर स्मृति पत्रकारिता पुरस्कार श्री समीर शुक्ला, वरिष्ठ पत्रकार, रायपुर ल अउ समाज कल्याण विभाग कोती ले दानशीलता, सौहार्द्र एवं अनुकरणीय सहायता खातिर देहे जाने वाला सम्मान दानवीर भामाशाह सम्मान श्रीमती दिनेश कुमारी चतुर्वेदी, ग्राम सुरपा, दुर्ग ल देहे जाही।
स्वास्थ्य एवं परिवार कल्याण विभाग कोती ले आयुर्वेद चिकित्सा खातिर देहे जाने वाला सम्मान धन्वन्तरी सम्मान डॉ. मनोहर जी टेकचंदानी, राजेन्द्र नगर चौक, बिलासपुर ल, मत्स्य विभाग कोती ले मछली पालन खातिर देहे जाने वाला सम्मान बिलासाबाई केवटिन सम्मान श्री सानेन्द्र कुमार बघेल, ग्राम-कुरूदडीह, दुर्ग ल, उच्च शिक्षा विभाग कोती ले संस्कृत भाषा खातिर देहे जाने वाला सम्मान संस्कृत भाषा सम्मान डॉ. लक्ष्मीकांत शर्मा, विभागाध्यक्ष दुर्गा महाविद्यालय रायपुर ल, आदिम जाति अनुसूचित जाति विकास विभाग कोती ले आदिवामन के सेवा अउ उत्थान खातिर देहे जाने वाला सम्मान डॉ. भंवर सिंह पोर्ते सम्मान पुरखा के सुरता जन कल्याण समिति, चारभाठा, दुर्ग ल, गृह विभाग कोती ले अपराध अनुसंधान के क्षेत्र म देहे जाने वाला सम्मान पं. लखनलाल मिश्र सम्मान श्री अमित पाटले, उप-निरीक्षक, पुलिस चौकी रायगढ़ ल अउ जनसंपर्क विभाग कोती ले पत्रकारिता खातिर देहे जाने वाला सम्मान पं. माधव राव सप्रे, राष्ट्रीय रचनात्मकता सम्मान श्री विजय दत्त श्रीधर, वरिष्ठ पत्रकार, भोपाल ल देहे जाही।