धान – पान

हरियर हरियर खेतहार हे ,
धान ह लहलहावत हे ।
सुघ्घर बाली निकले हाबे ।
सब झन माथ नवावत हे ।
सोना जइसे सुघ्घर बाली ,
हवा में लहरावत हे ।
अपन मेहनत देखके सबझन ,
मने मन मुसकावत हे ।
मेहनत के फल मीठा होथे ,
‘माटी’ गाना गावत हे ।
धान ल अब लुए खातिर ,
हंसीया धरके जावत हे ।
देव सोनू अशोक सुनील ,
ठाड़ ददरिया गावत हे ।
करपा ल अब बांध बांध के ,
बियारा कोठार में लावत हे ।

महेन्द्र देवांगन “माटी”
गोपीबंद पारा पंडरिया
जिला – कबीरधाम (छ. ग )
८६०२४०७३५३