Categories
गीत

जमुना के तीर तीर हो

जमुना के तीर तीर हो कान्हा गैया चरावे जमुना के तीर तीर हो।

कोन बन कान्हा गैया चरावे कहां पियावे पानी।
कहां पियावे पानी हो मइया कहां पियावे पानी।
कोन बन कान्हा गेंद खेले जमुना के तीर तीर हो।

कान्हा गइया चरावे…

कउन रंग हे राम के गइया कउने रंग लखन के।
कउन रंग लखन हो मइया कउने रंग लखन के।
कउन रंग हे कृष्ण के गइया जमुना के तीर तीर हो।

कान्हा गइया चरावे…

पियंर रंग हे राम के गइया सादा रंग लखन के।
सादा रंग लखन के हो मइया सादा रंग तखन के।
कारी गइया कृष्ण कन्हैया जमुना के तीर तीर हो।

कान्हा गइया चरावे.. .
काकर गइया दूबर पातर काकर हावय मंझोलन।
काकर हावय मंझोलन मइया काकर हावय मंझोलन।
काकर हावय धामक धूसर जमुना के तीर तीर हो।

कान्हा गइया चरावे ..

लखन के गइया दूबर पातर राम के हावय मंझोलन।
राम के हावय मंझोलन मंइया राम के हावय मंझोलन।
कृष्ण के गइया धामक धूसर जमुना के तीर तीर हो।

कान्हा गईया चरावे जमुना के तीर तीर हो
कान्हा गईया चरावे जमुना के तीर तीर हो।

केंवरा यदु मीरा
पोखरा एंड राजिम
राजिम रेस्ट हाउस के पास
पोस्ट राजिम
जिला गरियाबंद