जयति जय जय छत्तीसगढ़ देस – पं. लोचन प्रसाद पाण्डेय

जयति जय जय छत्तीसगढ़ देस
जनम भूमि, सुखर सुख खान ।
जयति जय महानदी परसिद्ध
सोना-हीरा के जहॉ खदान ॥
जहॉ के मोरध्वज महाराज
दान दे राखिन जुग जुग नाम ।
कृष्ण जी जहॉ विप्र के रूप
धरे देखिन श्री मनिपुर धाम ॥
जहॉ है राजिवलोचन तिरिथ
अउ, सबरीनारायण के क्षेत्र ।
अमरकंटक के दरसन जहॉ
पवित्तर होथे मन अउ नेत्र ॥
जहॉ हे ऋषभतीर्थ द्विजभूमि
महाभारत के दिन ले ख्यात् ।
आज ले जग जाहिर ऐ अमिट
जहॉ के गाउ दान के बात ॥

पं. लोचन प्रसाद पाण्डेय




Leave a Reply

Your email address will not be published. Required fields are marked *