नवरात्रि मनाबो

चलो संगी आज नवरात्रि मनाबो ,
मिलजुल के माता रानी ला सजाबो ।
विराजे हाबे हमर घर दुर्गा दाई हा——
चलो संगी आज नवरात्रि मनाबो।।

फूल पान से सुघ्घर आसन ल सजाबो,
लाली लाली चुनरी माता रानी ल ओढाबो।
सोलह श्रृंगार करबो दुर्गा माता के——
चलो संगी आज नवरात्रि मनाबो।।

मंदिर म सुघ्घर नवजोत जलाबो,
माता रानी ला आसन बइठाबो।
सेवा गाबो दुर्गा माता के ——–
चलो संगी आज नवरात्रि मनाबो।।

प्रिया देवांगन “प्रियू”
पंडरिया
जिला – कबीरधाम (छत्तीसगढ़)
Priyadewangan1997@gmail.com

संघरा-मिंझरा

Leave a Comment